"Namma kam'gri, bebera'aba siani onga"

 

Angni jong-adarang, antango bebera'a donga ine sa'oba aganode indiba kamcha uako misokja'ode, ua mai namgnini onga? Ua bebe ra'a biko paponiko jokkatna manama? Nasongni saniba jong-ada ba noo-abeni nokko maming cha'aniba dongja, ganani bararang'ba dongja ine chanchichipbo. Uno nasongni gisepo saba biko, nangni namnikagitda, cha'e ringe namme dong'rimbo" innode, indiba bini nanga'nirangko one dakchakjaode, bini mai nammani ongnoa? Indaken, je bebe ra'ao kam dongpajaode, ua bebera'ade sigiba onga.

Sa'oba aganaba donga, nango bebera'a donga aro ango namgipa kam donga. Iade namman. Kam'gri nangni bebera'ako angna misokbo, aro anga angni bebera'ako kamcha nangna misoknoa. Isol saksa'san donga ine na'a bebe ra'a, ongjama? Uade namman! Indiba gisik namgijagiparangba bikode bebera'a aro tiltil pille kenna.

Aiao jadasrang! Kam'gri bebera'ani biti dongja iko na'a nina amming'ama? Anchingni pagicham Abraham jensalo bini depanti Isahakko ganchi saka'ao donne boli ronnaming, uko ua kamni gimmin biko dos'gri ine rachakjama? Na'ade niknan mannenga, bini bebera'aming kamba apsan dongpa aro bini kama'an bini bebe ra'aniko chusokataming. Indakode rongtalgipa sastroni ia katta chusokjok, Abraham Isolko bebe ra'a aro uni ha'sel biko dos'gri ine chanjok. Uni gimmin biko Isolni rippeng ine mingjok. Indakode nasong nikna mannenga bebe ra'ani gimmin Isol mandeko dos'gri ine chana iade ongja, indiba 'bebera'a aro kam dakka" ia ming'gni giddasa Isol mandeko dosgri ine channa.

Janggi'gri be'en jedake siani onga, uan dake kam'gri bebera'aba siani onga..

(Holy Bible Jakob 2:14-24,26.)